„ნამახვანჰესის“ მშენებლობის მოწინააღმდეგეებმა კვლავ გუმათში გადაინაცვლეს
„ნამახვანჰესის“ მშენებლობის მოწინააღმდეგე აქციის მონაწილეებმა ქუთაისში მსვლელობა გამართეს. როგორც აქციის ერთ-ერთმა ორგანიზატორმა, ვარლამ გოლეთიანმა განაცხადა, მსვლელობა 23 მაისს თბილისში დაგეგმილი მასშტაბური აქციის იმიტაციაა.
ამ დროისთვის, ქუთაისში, ჭავჭავაძის ქუჩაზე მოძრაობა თავისუფალია. აქციის მონაწილეებმა კი გუმათში გადაინაცვლეს.
„რა თქმა უნდა, ძირითადი პროტესტის ადგილი ისევ გუმათია, სადაც დღეს ვართ“,-აცხადებს აქციის ერთ-ერთი ორგანიზატორი ვარლამ გოლეთიანი.
ამასთან, აქციის მონაწილეებმა სოლიდარობა გამოუცხადეს, ჭიათურაში გაფიცული მაღაროელებს, რომლებიც ხელფასის 50%-ით მომატებას მოითხოვენ.
ცნობისთვის, „ნამახვანჰესის" მშენებლობის მოწინააღმდეგეებმა ქუთაისში, ჭავჭავაძის ქუჩა გადაკეტეს. როგორც „ნამახვანჰესის" მშენებლობის წინააღმდეგ მიმართული აქციის წევრები აცხადებდნენ, „რიონის ხეობის მცველებს“ სოფელ ნამოხვანში შესვლის უფლებას არ აძლევენ. ამასთან, „ნამახვანჰესის" მშენებლობის მოწინააღმდეგეები მოუწოდებდნენ სამართალდამცავებს განემარტათ, თუ რატომ არ იღებენ რკინის ჯებირებს.
v-if="article.gallery" v-html="article.gallery"
