ცოტნე ანანიძემ სოფელ ლეღვაში საბავშვო ბაღის სამშენებლო სამუშაოები დაათვალიერა

ქობულეთის მუნიციპალიტეტის სოფელ ლეღვას უახლოეს მომავალში ახალი საბავშვო ბაღი შეემატება. თანამედროვე სტანდარტების 3-ჯგუფიანი სკოლამდელი აღზრდის დაწესებულება, რომლის მშენებლობა აქტიურ ფაზაშია, 105 აღსაზრდელზეა გათვლილი.

პროექტში გათვალისწინებულია საბავშვო ბაღის ეზოს მოწყობაც, დეკორატიული ფილების დაგება, შემოღობვა, გარე განათების, საპარკე სკამებისა და საბავშვო ატრაქციონების მონტაჟი. შენობა ადაპტირებული იქნება შშმ პირებისთვის.

მიმდინარე სამუშაოები ქობულეთისა და მახინჯაურის მაჟორიტარმა დეპუტატებმა აჭარის უმაღლეს საბჭოსა და საქართველოს პარლამენტში - ცოტნე ანანიძემ და ზაალ მიქელაძემ, ქობულეთის მერთან მირიან ქათამაძესთან და ხელისუფლების სხვა წარმომადგენლებთან ერთად დაათვალიერეს.

საბავშვო ბაღის მშენებლობისთვის 1 093 084 ლარია გამოყოფილი.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია