საქართველოში ევროკავშირის წარმომადგენლობის ოფისში ხელისუფლებისა და ოპოზიციის წარმომადგენლების შეხვედრა მიმდინარეობს.

შეხვედრის ძირითადი თემა სავარაუდოდ, ამნისტიის შესახებ კანონპროექტია.

როგორც საქართველოში ევროკავშირის წარმომადგენლობაში აცხადებენ, შეხვედრაში ევროკავშირი არანაირი სტატუსით არ მონაწილეობს გარდა იმისა, რომ ტერიტორიას უთმობს. შესაბამისად, შეხვედრას არ ესწრება საქართველოში ევროკავშირის ელჩი კარლ ჰარელი.

შეგახსენებთ, მანამდე, ევროპული საბჭოს პრეზიდენტის, შარლ მიშელის მიერ წარდგენილ დოკუმენტზე ხელმომწერი ოპოზიციის წევრები სამუშაო შეხვედრაზე "სტრატეგია აღმაშენებლის" ოფისში შეიკრიბნენ.