ეკონომიკის მინისტრის მოადგილის განცხადებით, ქუთაისის აეროპორტის ახალი ტერმინალის გახსნა 25 მაისისთვის იგეგმება

საქართველოს ეკონომიკის მინისტრის მოადგილის, გურამ გურამიშვილის განცხადებით, ქუთაისის აეროპორტის ახალი ტერმინალის გახსნა 25 მაისისთვის იგეგმება.

როგორც მინისტრის მოადგილემ, პარლამენტში ორი კომიტეტის გაერთიანებულ სხდომაზე განმარტა, ქუთაისის აეროპორტის გაფართოების დასკვნითი ეტაპი მიმდინარეობს.

„შეგვიძლია ვთქვათ, რომ მაისის ოცდახუთისთვის ჩვენ ვიქნებით მზად გავხსნათ ახალი ტერმინალი. როგორც მოგეხსენებათ, პანდემიის წინ, 2019 წელში მაქსიმალური იყო ამ აეროპორტზე დატვირთვა ტურისტების. ასევე, ბაზირებული იყო „ვიზეარის“ ორი თვითმფრინავი, კერძო კომპანიებსაც ჰქონდათ დიდი ინტერესი. ტურისტული კუთხით არამხოლოდ საქართველოში შემომავალი, ასევე, ქართველებს შეეძლოთ ევროპის ბევრი მიმართულებით სარგებლობა ამ აეროპორტით. ამ პანდემიის შემდეგ, ჩვენ ამ მიმართულებითაც ქუთაისშიც ვიქნებით მზად“, - განაცხადა გურამ გურამიშვილმა.

მინისტრის მოადგილემ, ასევე ბათუმის აეროპორტის შესახებ ისაუბრა. მისი თქმით, ბათუმის აეროპორტს მილიონი და მეტი მგზავრის მომსახურება შეეძლება.

„ბათუმის აეროპორტის გაფართოება ორი კვირის წინ დასრულდა, 17 მილიონი დოლარის დამატებითი ინვესტიცია განხორციელდა. უკვე შეგვიძლია, ბათუმში მილიონი და მეტი მგზავრის მომსახურება ტურისტული სეზონის ამოქმედებისთანავე. იმედია, კოვიდის ფაქტორის გავლენა რაც შეიძლება მალე გაივლის და ჩვენ შეგვეძლება ამით ვისარგებლოთ“,- აღნიშნა გურამიშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა