საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ჩოხატაური-ბახმაროს საავტომობილო გზაზე მოძრაობა აღდგა და ამ დროისთვის, ყველა სახის ავტოტრანსპორტის მოძრაობა თავისუფალია.
ჩოხატაური-ბახმაროს გზაზე, რთული მეტეოროლოგიური პირობებისა და დიდთოვლობის გამო, ავტოტრანსპორტის მოძრაობა გასული წლის ნოემბერში შეიზღუდა და ამ დრომდე აკრძალული იყო.
აღნიშნულ ინფორმაციას გზების დეპარტამენტი ავრცელებს.