„რუსთავის აზოტის“ თანამშრომლების განცხადებით, თუ ხელმძღვანელობა ხელფასების გაზრდაზე უარს განაცხადებს, ისინი საწარმოს შესასვლელის ბლოკირებას განახორციელებენ და კარვებს გაშლიან.
საწარმოს ადმინისტრაციულ შენობასთან „აზოტის“ მუშების საპროტესტო აქცია დილით დაიწყო და ამ დრომდე გრძელდება.
საწარმოს ხელმძღვანელობა 20 - კაციან ჯგუფს დარბაზში შესვლას და მოლაპარაკებების გამართვა სთავაზობს, რაზეც აქციის მონაწილეები არ თანხმდებიან.
„რუსთავის აზოტის“ ცენტრალურ შესასვლელთან შეკრებილი თანამშრომლები მოითხოვენ, რომ ხელმძღვანელობა გარეთ გამოვიდეს და პასუხი ყველას ერთად გასცენ, აპირებენ თუ არა მათი მოთხოვნის შესრულებას და შრომითი ანაზღაურების გაზრდას.