ხანდაზმული მამის მიმართ განხორციელებული ძალადობის ბრალდებით დაკავებული 40 წლამდე ქალი ბრალს არ აღიარებს.
როგორც „ინტერპრესნიუსთან“ საუბარში დაკავებულის ადვოკატი განმარტავს, მისი დაცვის ქვეშ მყოფი დუმილის უფლებას იყენებს და საქმის ფაქტობრივ გარემოებებზე საუბარი არ სურს.
არსებული ინფორმაციით, მამაკაცს დაზიანებები აღენიშნებოდა.
დაკავებულ ქალს ბრალი სისხლის სამართლის კოდექსის 126-ე პრიმა და 151-ე მუხლებით წარედგინა, რაც რაც ოჯახის წევრის მიმართ ძალადობასა და მუქარას გულისხმობს.
ბრალდებულის მიმართ აღკვეთის ღონისძიების შეფარდებაზე ზუგდიდის რაიონული სასამართლო დღეს იმსჯელებს. ადვოკატი არ გამორიცხავს, რომ სასამართლოში მისი დაცვის ქვეშ მყოფის აღკვეთის ღონისძიების გარეშე დატოვების შუამდგომლობა დააყენოს.