ჟაბეშში გაწმენდითი სამუშაოები აქტიურად მიმდინარეობს, ადგილზე გეოლოლოგებს ველოდებით, - ამის შესახებ სამეგრელო ზემო სვანეთის სახელმწიფო რწმუნებულის პირველმა მოადგილემ ნინო ვიბლიანმა განაცხადა.
მისი თქმით, მოვარდნილმა ღვარცოფმა 2 ხიდი და 4 ხიდბოგირი დააზიანა.
„ამის გამო 15 მდე ოჯახს საავტომობილო მიმოსვლა შეზღუდული აქვს. ადგილზე გაწმენდითი სამუშოები აქტიურად მიმდინარეობს, სიტუაციის ნორმალიზებისთანავე მოეწყობა დროებითი ხიდი.
ადგილობრივი ხელისუფლების წარმომადგენლებს მოსახლეობასთან მუდმივი კომუნიკაცია აქვთ. ადგილზე დღეს გეოლოგები ჩავლენ და დეტალურად შეისწავლიან გამომწვევ მიზეზებს, რის შემდეგაც განისაზღვრება მომავალში გასატარებელი საპრევენციო სამუშაოები”, - განაცხადა ვიბლიანმა.