სენაკში, სოფელ თეკლათთან მომხდარი ავტოსაგზო შემთხვევის შედეგად რამდენიმე ადამიანი დაშავდა, მათ შორის ორი წლის ბავშვი. ცოტა ხნის წინ ერთმანეთს ორი მსუბუქი ავტომანქანა შეეჯახა.
სასწრაფო-სამედიცინო დახმარების ბრიგადამ ერთ-ერთ მანქანაში მსხდომი ერთი ოჯახის სამი წევრი სხეულის სხვადასხვა სახის დაზიანებებით კლინიკა „სენამედში“ გადაიყვანა, ხოლო კიდევ სამი დაშავებული, რომლებსაც გულ-მკერდისა და კისრის მრავლობითი ტრავმები აღენიშნებათ, კლინიკა „არქიმედეში“ მოათავსეს. მათ შესაბამისი კვლევები უტარდებათ. შემთხვევის ადგილზე მობილიზებულია საპატრულო პოლიცია.