აფხაზეთის დევნილთა სამინისტროს თანამშრომლებს გენდერული თანასწორობის საკითხებზე, თბილისის მერის მრჩეველი, ნინო ბურძენიძე შეხვდა

აფხაზეთის დევნილთა სამინისტროს თანამშრომლებს გენდერული თანასწორობის საკითხებზე, თბილისის მერის მრჩეველი, ნინო ბურძენიძე შეხვდა, სადაც მან გენდერული თანასწორობის შესახებ ცნობიერების ამაღლების მნიშვნელობაზე ისაუბრა.

როგორც „ინტერპრესნიუსს“ აფხაზეთის დევნილთა სამინისტროდან აცნობეს, შეხვედრისას ნინო ბურძენიძემ ყურადღება, დევნილი ქალებისა და სხვადასხვა გენდერული ჯგუფების საჭიროებებზე გაამახვილა.

„ნინო ბურძენიძემ მონაწილეებს ბოლო პერიოდში ამ მიმართულებით გადადგმული ნაბიჯები და სამომავლო გეგმები გააცნო. ასევე, გენდერული თანასწორობის კუთხით არსებული საკანონმდებლო ვალდებულებები განიხილა.

შეხვედრის მონაწილეებმა ქალთა ეკონომიკური გაძლიერების მნიშვნელობასა და გენდერულ თანასწორობასთან დაკავშირებულ აქტუალურ საკითხებზე, კერძოდ, ძირითადი ცნებების განსაზღვრებებზე, გენდერულ როლსა და სტერეოტიპებზე, გენდერულ დისკრიმინაციაზე, ოჯახში ძალადობასა და ოჯახში ძალადობისაგან დაცვის მექანიზმებზე ისაუბრეს.

შეხვედრა აფხაზეთის დევნილთა მინისტრის ლევან თევზაიას ინიციატივით გაიმართა”, - აღნიშნულია ინფორმაციაში.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა