თბილისის საკრებულოს წევრმა, ევროპის მუნიციპალიტეტებისა და რეგიონების ევროპული საბჭოს (CEMR) ვიცე-პრეზიდენტმა ნინო რუხაძემ PLATFORMA/CEMR-ის ვებინარში მონაწილეობა მიიღო. ამის შესახებ ინფორმაციას თბილისის საკრებულო ავრცელებს.

მათივე ცნობით, ვებინარში გაეროს, ევროკავშირის ინსტიტუციებისა და ევროპული მუნიციპალიტეტის წარმომადგენლებმა კლიმატური ცვლილებების ის გამოწვევები და სტრატეგიები განიხილეს. რომელთა გამოყენებაც ამ ცვლილებებისადმი მუნიციპალიტეტებისა და მოსახლეობის ადაპტაციის კუთხით შესაძლებელი იქნება.

„ნინო რუხაძემ თბილისის მუნიციპალიტეტის სატრანსპორტო პოლიტიკაზე ისაუბრა. ასევე, საერთაშორისო პარტნიორებს ის ინფრატრუქტურული და სატრანსპორტო პროექტები გააცნო, რომლებიც დედაქალაქში ჰაერის დაბინძურების პრობლემის შესამსუბუქებლად ხორციელდება. კერძოდ, მის მოხსენებაში მნიშვნელოვანი ადგილი განახლებული ჭავჭავაძის გამზირის კონცეფციას და საზოგადოებრივი ტრანსპორტის წახალისების სტრატეგიას დაეთმო”,- აღნიშნულია ინფორმაციაში.