ქუთაისში, მეტალურგიულ ქარხანაში ხანძარი გაჩნდა

ქუთაისში, ავანგარდის დასახლებაში მდებარე მეტალურგიულ ქარხანაში ხანძარი გაჩნდა. არსებული ინფორმაციით, ცეცხლი სახურავს გაუჩნდა. შემთხვევის შედეგად არავინ დაშავებულა.
საგანგებო სიტუაციების მართვის სამსახურის ინფორმაციით,ადგილზე მეხანძრე - მაშველების 5 ჯგუფი მუშაობს. ხანძარი ლოკალიზებულია და მიმდინარეობს სალიკვიდაციო სამუშაოები.
რა გახდა ხანძრის გამომწვევი მიზეზი, ჯერჯერობით უცნობია.

























