ხმაური იყო ბათუმის დემოკრატიული ჩართულობის ცენტრთან. ერთმანეთს არასამთავრობო ორგანიზაციების წარმომადგენლები და ბათუმის ბულვარში დასაქმებული მოიჯარეები დაუპირისპირდნენ.
როგორც მოიჯარეებმა განაცხადეს, ბათუმის ბულვარში მათი სამუშაო ობიექტების აღება იგეგმება და სწორედ აღნიშნულს აპროტესტებენ.
მოიჯარეებს ბათუმის ბულვარის ყოფილმა დირექტორმა ირაკლი ჯინჭარაძემ უპასუხა. როგორც მან განაცხადა, მოიჯარეები "ქართულმა ოცნებამ" არასამთავრობოებთან მიზანმიმართულად მიუგზავნა.
ცნობისთვის, დღეს ბათუმის დემოკრატიული ჩართულობის ცენტრში ბათუმის ბულვარის გეგმის საჯარო განხილვა იგეგმებოდა, თუმცა აღნიშნული დაპირისპირების გამო ჩაიშალა.