ზუგდიდში, კაცმა მეზობელი ცივი იარაღით დაჭრა.
არსებული ინფორმაციით, ინციდენტს წინ სიტყვიერი დაპირისპირება უძღოდა. დაშავებულის სიცოცხლეს საფრთხე არ ემუქრება.
შემთხვევა კომბინატის დასახლებაში, დევნილთა საერთო საცხოვრებელში მოხდა.
არსებული ინფორმაციით, დაჭრილს სამედიცინო დახმარება საავადმყოფოში გაეწია, თუმცა, ის ბინაზე, უკვე, გაწერეს.
როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს. უწყების ინფორმაციით, ინციდენტში მონაწილე სავარაუდო დამნაშავე დადგენილია და ამ დროისთვის საგამოძიებო მოქმედებები მიმდინარეობს.