„რუსთავის აზოტის“ თანამშრომლები, მეორე დღეა ხელფასების გაზრდის მოთხოვნით, საპროტესტო აქციას მართავენ

„რუსთავის აზოტის“ თანამშრომლები, მეორე დღეა ხელფასების გაზრდის მოთხოვნით, საპროტესტო აქციას მართავენ. „აზოტში“ დასაქმებულებს, მხოლოდ ერთი მოთხოვნა აქვთ, ისინი შრომითი ანაზღაურების 50%-ით გაზრდას მოითხოვენ.

აქციის მონაწილეებს, ცოტა ხნის წინ საწარმოს წარმომადგენელი შეხვდა, რომელმაც ხელფასების ზრდასთან დაკავშირებით, გადაწყვეტილების მისაღებად დღის 12:00 საათამდე დრო ითხოვა.

აქციის მონაწილეებს, საქართველოს გაერთიანებული პროფკავშირების თავმჯდომარის მოადგილე ლავრენტი ალანია შეუერთდა. როგორც ალანიამ განაცხადა, პროფკავშირები მზად არის ჩაერთოს სამართლებრივ პროცესში, იმისათვის, რომ დაიცვან „აზოტში“ დასაქმებულების უფლებები და შესრულდეს მათი მოთხოვნა.

„რუსთავის აზოტის“ ადმინისტრაციულ შენობასთან მეორე დღეა 300-მდე დასაქმებული ხელფასების გაზრდას მოითხოვს. მათი განცხადებით, საწარმოს ხელმძღვანელობის მხრიდან არაერთხელ მიიღეს დაპირება შრომითი ანაზღაურების გაზრდის თაობაზე, თუმცა მათი ხელფასები არ გაზრდილა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა