„რუსთავის აზოტის“ თანამშრომლებმა საპროტესტო აქცია განაახლეს
„რუსთავის აზოტმა“ მუშაობა შეაჩერა. 2000-მდე თანამშრომელი გაფიცულია. ხელფასების 50%-ით გაზრდის მოთხოვნით, საპროტესტო აქცია „აზოტის“ თანამშრომლებმა დილიდან განაახლეს. წარმოების ცენტრალულ შესასვლელთან საპროტესტო აქცია მესამე დღეა მიმდინარეობს. აქციის მონაწილეები აცხადებენ, რომ პროტესტს, მოთხოვნის შესრულებამდე არ შეწყვეტენ.
მოლაპარაკებები გუშინ გვიან ღამემდე მიმდინარეობდა და უშედეგოდ დასრულდა. საწარმოს ხელმძღვანელობასთან მოლაპარაკებების პროცესში მედიატორებად რუსთავის მაჟორიტარი დეპუტატი საქართველოს პარლამენტში ნინო ლაცაბიძე და პარლამენტარი ალექსანდრე დალაქიშვილი ჩაერთნენ. გაფიცულმა თანამშრომლებმა, კატეგორიული უარი განაცხადეს საწარმოს ხელმძღვანელობის შეთავაზებაზე, დაბრუნებოდნენ სამუშაო ადგილებს და ერთი კვირის ვადაში აცნობებდნენ კონკრეტულად რამდენი პროცენტით შეძლებდნენ მათთვის ხელფასების გაზრდას.
სს „რუსთავის აზოტში“ ძირითადი პროდუქციის ამონიუმის გვარჯილისა და ნატრიუმის ციანიდის წარმოებაა შეჩერებული. გაფიცულები, სატვირთო მანქანებს სარეალიზაციო პროდუქციის გამოსატანად საწარმოს ტერიტორიაზე არ უშვებენ. საწარმოდან მხოლოდ ჟანგბადის ცისტერნები გამოდის, რომელითაც სამედიცინო დაწესებულებები მარაგდება.
This is a modal window.
v-if="article.gallery" v-html="article.gallery"
