„ქვეყნის მასშტაბური განახლების“ პროგრამის ფარგლებში, აჭარის 6 მუნიციპალიტეტში 20 მლნ ლარი დაიხარჯება

დღეს აჭარის მთავრობის სხდომაზე მთავრობის თავმჯდომარემ, თორნიკე რიჟვაძემ „ქვეყნის მასშტაბური განახლების“ პროგრამის თაობაზე პრემიერ-მინისტრის ინიციატივაზე ისაუბრა და აღნიშნა, რომ პროგრამის ფარგლებში, აჭარის 6 მუნიციპალიტეტში 20 მლნ ლარი დაიხარჯება. განხორციელდება ურბანული განახლება, რაც შექმნის ახალ სამუშაო ადგილებს და ახალ პერსპექტივებს რეგიონში. ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.

თორნიკე რიჟვაძის თქმით, აჭარაში შეიქმნება ათასობით სამუშაო ადგილი.

"აჭარის ექვსივე მუნიციპალიტეტში თანაბრად განხორციელდება ეს პროექტი, რაც ნიშნავს, მუნიციპალიტეტის ინფრასტრუქტურულ განვითარებას, ახალი სივრცეების, მიზიდულობის შექმნას. განსაკუთრებით მნიშვნელოვანია, რომ შეიქმნება ათასობით სამუშაო ადგილი და უკვე დღეს, აჭარის ექვსივე მუნიციპალიტეტში, გამოცხადებულია შესაბამისი შესყიდვის პროცედურები", - განაცხადა თორნიკე რიჟვაძემ.

პრესსამსახურის ცნობით, გრძელდება მნიშვნელოვანი ინფრასტრუქტურული პროექტების განხორციელება.

„დღეს ცხადდება ტენდერი ოცნების ქალაქის შემდგომი ეტაპის პროექტირებაზე. აქტიურად მიმდინარეობს მშენებლობა და პირველ ეტაპზე 582 ოჯახი ახალ კომპლექში ბინებს მიიღებს.

ფერმერების ხელშეწყობის მიზნით, გრძელდება სასოფლო-სამეურნეო მიწის ფართობების უფასოდ დამუშავება. წელს 2000 ჰექტარზე მეტი ფართობი დამუშავდება შესაბამის აგროვადებში“, - აღნიშნულია ინფორმაციაში.

აჭარის ავტონომიური რესპუბლიკის მთავრობის ცნობით, უკვე დამუშავებულია 700 ჰექტარზე მეტი ფართობი და პროცესი დინამიურად მიმდინარეობს. მათივე ცნობით, პროგრამა აჭარის ხუთ მუნიციპალიტეტში ხორციელდება.

ასევე, დღეს მთავრობის სხდომაზე, თორნიკე რიჟვაძემ სამთავრობო უწყებებს მოუწოდა, მაქსიმალურად სწრაფად მოხდეს მოქალაქეების განაცხადებზე რეაგირება და დაჩქარდეს მიწების სარეგისტრაციო პროცესი.

,,მინდა დავავალო ყველა სამთავრობო უწყებას, მათ შორის მუნიციპალიტეტების შესაბამის კომისიებს, უმოკლეს ვადებში, კანონმდებლობით დადგენილი წესით მოხდეს მიწების რეგისტრაცია და მოსახლეობას, რომელმაც გამოგვიცხადა ნდობა, არ შევუქმნათ ბარიერები",- განაცხადა რიჟვაძემ.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს