ოკუპირებულ აფხაზეთში რუსული ვაქცინა „სპუტნიკის“ პირველი პარტია ჩაიტანეს, - ამის შესახებ ინფორმაციას რუსული მედია ე.წ. ჯანდაცვის მინისტრ თამაზ წახნაკიაზე დაყრდნობით ავრცელებს.

„ვაქცინა „სპუტნიკ V-ის“ პირველი პარტია მივიღეთ, რომელიც ჩვენს საწყობში ინახება,“ - განაცხადა წახნაკიამ.

მისი თქმით, პირველ რიგში მედიკოსები აიცრებიან, შემდეგ კი პედაგოგები, „საჯარო სექტორის“, „სამართალდამცავი ორგანოების“ თანამშრომლები და ჩვეულებრივი მოქალაქეები.

ვაქცინაცია რესპუბლიკური საავადმყოფოს ბაზაზე, მაისის დღესასწაულების შემდეგ დაიწყება.

ბოლო მონაცემებით, ოკუპირებულ აფხაზეთში აფხაზეთში კორონავირუსით ინფიცირების 14 494 შემთხვევაა დადასტურებული, გამოჯანმრთელებულია 13 517 და დაღუპულია 222 ადამიანი.