ბადრი ჯაფარიძე - „ადმინისტრაციულ სამართალდარღვევათა კოდექსში“ ცვლილებების შეტანა მიშელის დოკუმენტის სულისკვეთებას ეწინააღმდეგება

ვიმსჯელეთ იმაზე, რომ არც ერთი საჭირბოროტო საკითხი, რომელიც საზოგადოებას აწუხებს ჩვენი მხრიდან ჩართულობის გარეშე განხილული არ იქნება, - ამის შესახებ „ლელო საქართველოსთვის“ ერთ-ერთმა ლიდერმა ბადრი ჯაფარიძემ ჟურნალისტებთან განაცხადა.

მისივე თქმით, ამნისტიის შესახებ კანონპროექტი უკვე დარეგისტრირებულია და რიგი ცვლილებები მათი მხრიდან აღარ შევა.

“ამნისტიის შესახებ კანონპროექტი უკვე დარეგისტრირებულია და რიგი ცვლილებები ჩვენი მხრიდან აღარ შევა.

ჩვენ ვიმსჯელეთ შარლ მიშელის დოკუმენტზე ხელისმოწერის შემდეგ საპარლამენტო საქმიანობასთან დაკავშირებით კოორდინაციაზე. იმაზე რომ სამშაბათს, ამნისტიის შესახებ კანონზე ბიუროზე იქნება მსჯელობა. ვიმსჯელეთ იმაზე, რომ არც ერთი საჭირბოროტო საკითხი, რომელიც საზოგადოებას აწუხებს ჩვენი მხრიდან ჩართულობის გარეშე განხილული არ იქნება“, - განაცხადა ჯაფარიძემ.

მანვე აღნიშნა, რომ დაჩქარებული ფორმით „ადმინისტრაციულ სამართალდარღვევათა კოდექსში“ სანქციების გამკაცრებისკენ ცვლილებების შეტანა, შარლ მიშელის დოკუმენტის სულისკვეთებას ეწინააღმდეგება.

„ჩვენ მოვითხოვთ პრეზიდენტისგან, რომ ვეტო დაადოს ამ ცვლილებებს, რადგან ჩვენმა დასავლელმა მეგობრებმა ამ კანონპროექტზე ცალსახად გამოხატეს აღშფოთება. ასე დაჩქარებული ფორმით ადმინისტრაციულ სამართალდაღვევათა კოდექსში ცვლილებების შეტანა სანქციების გამკაცრებისკენ, შარლ მიშელის დოკუმენტის სულისკვეთებას ეწინააღმდეგება“, - განაცხადა ჯაფარიძემ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა