ტყიბულში უფასო სასადილოს ბენეფიციარების ნაწილი მომსახურების ხარისხს და კვების რაციონს აპროტესტებს.
მათი თქმით, მინიმალური ოდენობით საკვებ პროდუქტს იღებენ, კვირას და დღესასწაულებზე კი ამ ნობათის გარეშე რჩებიან.
ბენეფიციარები ამბობენ, რომ უფასო სასადილო მათი ერთადერთი საარსებო საშუალებაა და ამიტომ კვებას ყოველდღიურად მოითხოვენ.
რაც შეეხება სააღდგომოდ გაცემულ ნობათს, ბენეფიციარები განმარტავენ, რომ ორი დღის ორი პასკა და ათი კვერცხი დაურიგეს.
უფასო სასადილოს ხარისხით კმაყოფილია ნებეფიციართა ნაწილი, თუმცა ამბობენ, რომ სასურველია მომსახურება ყოველდღე იყოს.
ბრალდებებს არ იზიარებს სასადილოს წარმომადგენელი და ამბობს, რომ ისინი არსებული პროტოკოლით მუშაობენ, რაც შეეხება საკვებს, ის ხარიახიანად მზადდება.
უფასო სასადილოში 110 ბენეფიციარია დარეგისტრირებული.