გურჯაანის მუნიციპალიტეტში სტიქიისგან მიყენებულ ზარალს ითვლიან. გუშინ მოსულმა ძლიერმა სეტყვამ ოთხი სოფელი დააზიანა. განსაკუთრებით მძიმე მდგომარეობა სოფელ კაჭრეთში, განადგურებულია სასოფლო-სამეურნეო სავარგულები, ვენახები და ერთწლოვანი კულტურები. ასევე დაზიანებულია 150-მდე საცხოვრებელი სახლის სახურავი. ადგილობრივები ამბობენ, რომ თუ ამინდი გაუარესდა, ღამეს სახლში ვერ გაათევენ.

გურჯაანის მერის არჩილ ხანდამაშვილის განმარტებით, მოსახლეობას პირველ ეტაპზე სახურავებს დროებითი გადაუხურავენ. ზარალის დათვლის შემდეგ კი გადაწყდება რა სახით დაეხმარებიან დაზარალებულ სოფლებს.