ქუთაისი 2 მაისს გვირილობას აღნიშნავს. ქუთაისის მერიის ინფორმაციით, ქალაქის ცენტრალურ ბაღსა და „ვერიკოს სკვერში“ მოეწყობა ხელნაკეთი ნივთების, ყვავილებისა და წიგნების გამოფენა-გაყიდვები, თოჯინებისა და ნიღბების თეატრების წარმოდგენები ღია ცის ქვეშ, მხატვრთა პლენერი.

,,წელს, პანდემიით გამოწვეული შეზღუდვების გამო, ქალაქში ტრადიციული, ხალხმრავალი ღონისძიებები არ გაიმართება, თუმცა ქუთაისის მერიის ინიციატივით, რამდენიმე საინტერესო და მნიშვნელოვანი შეხვედრა, ფესტივალი და გამოფენა ჩატარდება.

ამ დღეებში ქუთაისი ორ საერთაშორისო ღონისძიებასაც უმასპინძლებს - 7 მაისს სტარტს აიღებს ტანვარჯიშის საერთაშორისო ტურნირი, 8 მაისს კი გაიხსნება მოკლემეტრაჟიანი ფილმების საერთაშორისო ფესტივალი. დღესასწაულის ფარგლებში დაგეგმილი ყველა ღონისძიება რეგულაციების დაცვით გაიმართება“, - ნათქვამია ინფორმაციაში.