ბათუმის რესპუბლიკურ საავადმყოფოში კორონავირუსით ინფიცირებული 8 პაციენტი კრიტიკულად მძიმე მდგომარეობაში, მართვით სუნთქვაზე იმყოფება.

აჭარის ჯანდაცვის სამინისტროს ინფორმაციით, კლინიკებში 413 პაციენტი მკურნალობს, კოვიდსასტუმროში 332, ხოლო ონლაინ კლინიკაში კი 696.

უწყების ინფორმაციით, გასული 24 საათის განმავლობაში აჭარაში კორონავირუსის 68 ახალი შემთხვევა გამოვლინდა და ორი პაციენტი გარდაიცვალა, ისინი ბათუმის რესპუბლიკურ საავადმყოფოში მკურნალობდნენ.

რეგიონში საერთო ჯამში, 38 180 პაციენტი გამოჯანმრთელდა.