ქუთაისში "გვირილობასთან" დაკავშირებით რამდენიმე ღონისძიება გაიმართა. როგორც „ინტერპრესნიუსს“ ქუთაისის მერიიდან აცნობეს, ბაგრატის საკათედრო ტაძარში, ქუთათელ-გაენათელმა მიტროპოლიტმა, მეუფე იოანემ, მრევლს აღდგომის ბრწყინვალე დღესასწაული მიულოცა და ქუთაისი დალოცა.

მათივე ცნობით, ქუთაისის მერმა იოსებ ხახალეიშვილმა, ადგილობრივი ხელისუფლების წარმომადგენლებთან ერთად, სამი ოთარის ძეგლი ყვავილებით შეამკო.

"ქუთაისს უყვარს და ახსოვს ოთარ მამფორია, ოთარ ქორქია და ოთარ სულაბერიძე. სამი ოთარის ძეგლის პატივგება "გვირილობის" ერთ-ერთი ლამაზი ტრადიციაა და ამით ჩვენი ქალაქის ღირებულებებსაც მივაგებთ პატივს“, - განაცხადა იოსებ ხახალეიშვილმა.

ამასთან, ქუთაისის მერიის ინფორმაციით, ბაგრატის საკათედრო ტაძარში, ქუთათელ-გაენათელმა მიტროპოლიტმა, მეუფე იოანემ, მრევლს აღდგომის ბრწყინვალე დღესასწაული მიულოცა და ქუთაისი დალოცა.

ქუთაისი მერიის ცნობით, ქალაქის ცენტრალურ ბაღში ბავშვთა სამხატვრო სკოლის მოსწავლეთა ნახატების და ფოტო-გამოფენა "ქუთაისის ბულვარი" გაიმართა.

„ აქვე, გიმნაზიელი გოგონები მოქალაქეებს სიმბოლურად გვირილებს ურიგებდნენ. "გვირილობის" ფარგლებში დაგეგმილი ყველა ღონისძიება რეგულაციების დაცვით მიმდინარეობს“, - აღნიშნულია ინფორმაციაში.