ბათუმში, კორონავირუსით 34 წლის ქალი გარდაიცვალა
ბათუმში კორონავირუსის შედეგად 34 წლის ქალი გარდაიცვალა. იგი კლინიკა "ბმს“-ში მკურნალობდა.
ექიმების ინფორმაციით , პაციენტს თირკმლის უკმარისობა და პნევმონია აღენიშნებოდა.
ექიმების თქმით, თანმდევი დაავადებების სირთულის გამო, პაციენტის გადარჩენა ვერ მოხერხდა.
"გარდაიცვალა 34 წლის ქალი. კლინიკა ''ბიემსიში'' შემოვიდა 8 აპრილს კოვიდ დადასტურებული. ანამნეზში აღენიშნებოდა ეპილეფსია, გადატანილი მენინგიტი, თირკმლის უკმარისობა, პნევმონია.
პაციენტს მკურნალობა რეანიმაციის განყოფილებაში უტარდებოდა, სადაც განუვითარდა თავის ტვინის ინფარქტი, ქვემო კიდურების ღრმა სისხლძარღვების ფლებიტი და თრომბოფლებიტი. მიუხადავად ჩატარებული ადეკვატური მკურნალობისა, თანმდევი დაავადებების სირთულიდან გამომდინარე, პაციენტის გადარჩენა ვერ მოხერხდა", - განაცხადეს უწყებაში.
