სს „რუსთავის აზოტმა“ მუშაობა განაახლა. საწარმოს თანამშრომლებმა გაფიცვა შეწყვიტეს და სამუშაო ადგილებს დაუბრუნდნენ.

,,აზოტში“ დასაქმებულები დათანხმდნენ ადმინისტრაციის მხრიდან ორი დღის წინ შეთავაზებულ წინადადებას ხელფასების ნაწილობრივ გაზრდასთან დაკავშირებით. ერთკვირიანი საპროტესტო აქციების შემდეგ, საწარმოს ხელმძღვანელობა, მათ, ვისაც ხელფასი 1000 ლარზე ნაკლები აქვს, შრომით ანაზღაურების 250 ლარით გაზრდას, ხოლო მათ, ვისაც 1000 ლარზე მეტი - 125 ლარით მომატებას დაჰპირდა.

ინფორმაციისთვის, ,,რუსთავის აზოტის“ თანამშრომლებმა საპროტესტო აქციები 26 აპრილს დაიწყეს, 28 აპრილს კი 2000 ადამიანი გაიფიცა, რამაც საწარმოს გაჩერება გამოიწვია. აქციის მონაწილეებს საწარმოს შესასვლელი ბლოკირებული ჰქონდათ.