მელიას ადვოკატის განცხადება ახალი პირობების დაყენებას და პროცესის გაჭიანურებას ჰგავს, - ასე აფასებს გირჩის" ერთ- ერთი ლიდერი ვახტანგ მეგრელიშვილი ჟურნალისტებთან ნიკა მელიას ადვოკატის განცხადებას, რომ გირაოს გადახდას ბრალდებულის თანხმობა არ სჭირდება.
მისი თქმით, როცა მელიას ადვოკატის განცხადებას გაეცნო, გაკვირვებული დარჩა.
"პირველად გავიგე დღეს, რომ თურმე ნიკა მელიას თანხმობა საჭირო არ ყოფილა, მაგრამ მეორე მხრივ, ითქვა, პროკურატურას საერთოდ არაფერი სჭირდება, ისე შეუძლია გამოუშვასო და ეს მგონია, რომ ახალი პირობების დაყენებას ჰგავს და კვლავ პროცესის გაჭიანურებას. მე ეს ამბავი არ მესმის, მე მინდა იმ ფორმატში დასრულდეს პროცესი, როგორც არის ევროკავშირთან მოლაპარაკებული, ან ერთი ან მეორე წესით და ყოველ დღე არ ვიღებდეთ სიურპრიზებს", - განაცხადა მეგრელიშვილმა.
ცნობისთვის, "ერთიანი ნაციონალური მოძრაობის" თავმჯდომარის ნიკა მელიას ადვოკატის განცხადებით, ნიკა მელიას პატიმრობიდან გათავისუფლებისთვის გირაოს გადახდას ბრალდებულის თანხმობა არ სჭირდება.