რუსეთში კორონავირუსის 7 975 ახალი შემთხვევა გამოვლინდა და 360 ადამიანი გარდაიცვალა

რუსეთში, ბოლო 24 საათის განმავლობაში, კოვიდ 19-ის 7 975 ახალი შემთხვევა დაფიქსირდა და ინფიცირებულთა საერთო რაოდენობამ 4 847 489-ს მიაღწია, - ინფორმაციას ადგილობრივი მედია ავრცელებს.

ამასთან, რუსეთში ვირუსით კიდევ 360 პაციენტი დაიღუპა და გარდაცვლილთა რიცხვი 111 895-მდე გაიზარდა. რუსეთში, ვირუსისგან 4 464 550 ადამიანი განიკურნა.

კოვიდინფიცირებული პაციენტების რაოდენობის მიხედვით, რუსეთი აშშ-ის, ინდოეთის, ბრაზილიისა, საფრანგეთისა და თურქეთის შემდეგ მსოფლიოში მე-6 ადგილზეა.