ფოთში იმუნიზაციის პროცესი დაიწყო. ვაქცინაცია „ევექსის" კლინიკების ფოთის პოლიკლინიკაში ტარდება. პოლიკლინიკის მენეჯერის ნანა ლემონჯავას თქმით, დღეისათვის ფოთის პოლიკლინიკაში ჩინური ვაქცინა „სინოფარმით" 32 ადამიანი აიცრება.

„დავიწყეთ ვაქცინაციის პროცესი. დღეს გვაქვს 32 ჯავშანი“სინოფარმის“ ვაქცინაზე. ჩვენი მედპერსონალი გადამზადებულია ვაქცინაციისთვის აუცილებელი უნარ-ჩვევებითა და ტრენინგებით. კლინიკა აღჭურვილია ყველა საჭირო ინვენტარით და მედიკამენტით, რაც არის პროტოკოლით გათვალისწინებული ვაქცინაციის შემდგომი გართულების შემთხვევაში“, - განაცხადა ფოთის პოლიკლინიკის მთავარმა მენეჯერმა ნანა ლემონჯავამ.