ჯანდაცვის მინისტრის ეკატერინე ტიკარაძის განცხადებით, საქართველოში სისხლის ბანკთან დაკავშირებული პრობლემა არ არსებობს.
როგორც მან ჟურნალსიტებთან საუბრისას განმარტა, ეს პრობლემა კოვიდპანდემიის დროს გაცილებით მწვავედ დგას, თუმცა ამ საკითხთან დაკავშირებით მიმდინარეობს რუტინული სამუშაო და ამ კუთხით, პანიკის საფუძველი არ გვაქვს.
„ეს პრობლემა კოვიდპანდემიის დროს გაცილებით უფრო მწვავედ დგას, თუმცა მსგავსი პრობლემები ყოველი წლის მანძილზე ჯანდაცვის სისტემაში ეტაპობრივად ჩნდება და ხდება გარკვეული მობილიზაცია ორგანიზაციების მხრიდანაც, ხდება სისხლის ბანკის შევსება. ამასთან დაკავშირებით მიმდინარეობს რუტინული სამუშაო, არ არის რაიმე განსაკუთრებული და არანაირი პანიკის საფუძველი ამ კუთხით ჩვენ არ გვაქვს“, - აღნიშნა ეკატერინე ტიკარაძემ.