ფოთში, ჯავახიშვილის ქუჩის მცხოვრებლები საპროტესტო აქციას მართავენ

“რატომ გვახრჩობთ გვითხარით“, “ნუ გვაიძულებთ ვისუნთქოთ შავი ჰაერი“, ,”არ შევიტანოთ წვლილი ერთმანეთის მოკვლაში“, - ამ შინაარსის ტრანსფარანტებით ფოთში, ჯავახიშვილის ქუჩის მცხოვრებლები საპროტესტო აქციას მართავენ. შეკრებილების განცხადებით, პორტის ტერიტორიაზე ჯანმრთელობისთვის საშიში ნივთიერებები ღია წესით მუშავდება.

მათივე თქმით, აღნიშნული ნივთიერების ტრანსპორტირება უსაფრთხოების ნორმების დარღვევით ხორციელდება.

„აქ ვცხოვრობთ როგორც აფხაზეთიდან დევნილი ოჯახები, ასევე ადგილობრივები. მოვიწამლეთ, გარეთ ვერ გამოვდივართ. ბავშვები ვერ გაგვყავს სასეირნოდ. ხუთ ბავშვს გაუკეთეს ტყვიაზე ანალიზი და ხუთივეს მაღალი აქვს. ფილტვები არ გვივარგა, საშინელ დღეში ვართ. აიკრძალოს ამ ტვირთის შემოტანა. ეს პროდუქცია, რომელიც აქ მუშავდება, ჩვენს ჯანმრთლობას საფრთხეს უქმნის. საშინელი ხმაურია, ვერ ვსუნთქავთ, დაბინძურებულია ჰაერი. მოვითხოვთ ყურადღება მოგვაქციოს მერიამ , ალტერნატიული ფართით დაგვაკმაყოფილონ“, - განაცხადა აქციის მონაწილე ნონა შენგელიამ.

აქციის მონაწილეები ხელისუფლებას მიმართავენ და პრობლემის დროულად მოგვარებას მოითხოვენ.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს