რუსთავში, ადგილობრივი ხელისუფლების წარმომადგენლები და მეორე მსოფლიო ომის ვეტერანები დიდების ხეივანში შეიკრიბნენ
რუსთავის მერმა ირაკლი ტაბაღუამ, ქვემო ქართლის გუბერნატორის მოადგილე კახა კობერიძემ, ქალაქის საკრებულოს თავმჯდომარის მოადგილეებმა ნინო ქავთარაძემ და დავით რეხვიაშვილმა, სახელოვნებო, სპორტისა და ახალგაზრდობის განვითარების ცენტრის ხელმძღვანელ დავით შანიძესთან და ვეტერანთა კავშირის წარმომადგენლებთან ერთად, დიდების ხეივანში არსებული უცნობი ჯარისკაცის მემორიალი ყვავილებით შეამკეს.
ადგილობრივი ხელისუფლების წარმომადგენლებმა და ვეტერანებმა, წუთიერი დუმილით პატივი მიაგეს ფაშიზმის მსხვერპლთა და მეორე მსოფლიო ომში დაღუპულთა ხსოვნას.
"რუსთავში, მეორე მსოფლიო ომის ორი ვეტერანი და მათთან გათანაბრებული სტატუსის მქონე, ოცდაორი ე.წ. ოცდაექვსიანელი ცხოვრობს. 9 მაისს ტრადიციულად, თითოეულმა მათგანმა რუსთავის მერიისგან ფულად ჯილდო მიიღეს" , - ნათქვამია რუსთავის მერიის გავრცელებულ ინფორმაციაში.
v-if="article.gallery" v-html="article.gallery"
