ბადრი ჯაფარიძე "ლელოში" შეხვედრაზე - ვიმსჯელეთ საარჩევნო რეფორმასთან დაკავშირებით ცვლილებებზე - გვექნება ძალიან დასაბუთებული წინადადებები

თამარ ჟვანიას გადადგომა მიშელის დოკუმენტში ვერ იქნებოდა - იმედი გვაქვს, თვითონ მიიღებენ გადაწყვეტილებას, მათ შორის, შეგვიძლია ქალბატონ ჟვანიასაც შევთავაზოთ ისეთი გადაწყვეტილება, რომელიც კარგი და მისაღები იქნება საზოგადოებისთვის,- ამის შესახებ „ლელოს“ ერთ-ერთმა ლიდერმა ბადრი ჯაფარიძემ ჟურნალისტებთან, „ლელოს“ ოფისში ოპოზიციის შეხვედრის დასრულების შემდეგ განაცხადა.

მისი თქმით, ცვლილებების ნუსხა, რომელსაც ოპოზიცია „ქართულ ოცნებას“ საარჩევნო კანონმდებლობაში გატარების თვალსაზრისით შესთავაზებს, ვრცელია.

ჯაფარიძის თქმით, კანონმდებლობაში უნდა აისახოს როგორც შარლ მიშელის დოკუმენტში გაწერილი, ასევე იქამდე, დეკემბერში ფასილიტატორების მონაწილეობით შედგენილ დოკუმენტში ასახული ცვლილებები.

„ჩვენ ვიმსჯელეთ საარჩევნო რეფორმასთან დაკავშირებით იმ ცვლილებებზე, რომელიც აუცილებელია განხორციელდეს საარჩევნო კანონმდებლობაში. ჩვენ გვექნება ძალიან დასაბუთებული წინადადებები, თუ როგორ ავსახოთ შარლ მიშელის და ადრე მიღწეული შეთანხმებები. უნდა ითქვას, რომ შარლ მიშელის დოკუმენტს წინ უსწრებდა ფასილიტატორების მიერ შემუშავებული დოკუმენტი დეკემბერში, რომელიც მთლიანად არ აისახა იმ კანონში, რომელიც ინიცირებული იქნა "ქართული ოცნების" მიერ. ჩვენი აზრით, ის ცვლილებებიც უნდა იქნას აუცილებლად გატარებული, რადგან ეს იყო შეთანხმებული „ქართულ ოცნებასთან“ , ასევე აუცილებლად შარლ მიშელის დოკუმენტში ძალიან მკაფიოდ გაწერილი ცვლილება, რომელიც გულისხმობს იმას, რომ ჩვენ ადგილობრივ არჩევნებზე უნდა მივიდეთ ახალი ადმინისტრაციით, ახალი კომისიებით, ახალი საარჩევნო ტექნოლოგიებით, ახალი საარჩევნო კანონმდებლობით. ამან უნდა მოგვცეს საშუალება, რომ წელს ჩავატაროთ მართლაც გამორჩეული არჩევნები, რომელიც არ დაბადებს არანაირ კითხვას და ამ არჩევნებს აქვს კიდევ რეფერენდუმის დატვირთვაც, რადგან ამ არჩევნებზე უნდა გადაწყდეს რიგგარეშე საპარლამენტო არჩევნების ბედი. თამარ ჟვანიას გადადგომა ამ დოკუმენტში ვერ იქნებოდა გათვალისწინებული, იმედი გვაქვს, რომ თვითონ მიიღებს გადაწყვეტილებას, დოკუმენტში ეს ვერ იქნებოდა ასახული, მაგრამ დოკუმენტში არის ნათქვამი, რომ ადგილობრივი არჩევნები უნდა ჩატარდეს ახალი ადმინისტრაციის პირობებში, რასაც იძლევა დოკუმენტი ყველა ცვლილებას განვახორციელებთ. იმედი გვაქვს მიიღებენ გადაწყვეტილებას თვითონ, მათ შორის შეგვიძლია შევთავაზოთ ქალბატონ ჟვანიასაც ისეთი გადაწყვეტილება, რომელიც ჩვენ ვფიქრობთ იქნება კარგი და მისაღები საზოგადოებისთვის, მაგრამ ეს დოკუმენტში ასახული არ არის“, - განაცხადა ჯაფარიძემ.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ