გორის მერი - ჩვენს ვეტერანებს ვულოცავ ფაშიზმზე გამარჯვების დღეს

გორში, ფაშიზმზე გამარჯვების 76-ე წლისთავთან დაკავშირებით, ხელისუფლების წარმომადგენლებმა მეორე მსოფლიო ომში დაღუპულთა მემორიალი გვირგვინებით შეამკეს. ამის შესახებ ინფორმაციას გორის მუნიციპალიტეტის მერია ავრცელებს.

„ჩვენს ვეტერანებს ვულოცავ ფაშიზმზე გამარჯვების დღეს. ყველას ვულოცავ დღევანდელ დღეს! მინდა ყველა ვეტერანს მადლობა გადავუხადო და ჯანმრთელობა, დიდხანს სიცოცხლე ვუსურვო. ზუსტად 76 წლის წინ დასრულდა კაცობრიობის ისტორიაში ერთ-ერთი სასტიკი ომი, რომელმაც მილიონობით ადამიანის სიცოცხლე შეიწირა. საქართველომ ამ ომში ასი ათასობით ადამიანი დაკარგა. ქედს ვიხრი თითოეული მათგანის წინაშე “, - განაცხადა გორის მერმა კონსტანტინე თავზარაშვილმა.

გორის მუნიციპალიტეტის მერიის პრესსამსახურის ცნობით, მერმა და შიდა ქართლის სახელმწიფო რწმუნებულმა, კომპანია "კარფურის" წარმომადგენლებთან ერთად, გორის მუნიციპალიტეტში მცხოვრებ ვეტერანებს დღევანდელი დღე მიულოცეს და მათ პროდუქტი, ტკბილეული და ჰიგიენის საშუალებები მიუტანეს.

„გორის მუნიციპალიტეტში მეორე მსოფლიო ომის ორი მონაწილე ცხოვრობს. გორის მუნიციპალიტეტის მერია განსაკუთრებით ულოცავს მათ ფაშიზმზე გამარჯვების დღეს. გორის მერია მეორე მსოფლიო ომის ვეტერანებს წელიწადში 800 ლარს გადასცემს, აქედან 9 მაისის დღესთან დაკავშირებით, მათ 300 ლარი გადაეცემათ“, - აღნიშნულია ინფორმაციაში.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს