ატენის ხეობაში საავტომობილო გზის ნაპირების გასუფთავების სამუშაოები დილიდან განახლდა. ამის შესახებ ინფორმაციას გორის მუნიციპალიტეტის მერია ავრცელებს.

უწყების ცნობით, გორის მუნიციპალიტეტის მერიის სპეციალური ტექნიკით ქვა - ღორღის გატანა მიმდინარეობს.

„შლამისა და ნაშალისგან სუფთავდება ატენის საავტომობილო გზის ნაპირები. რაც შეეხება სავალ ნაწილს, გორის მერიის კეთილმოწყობის სააგენტოს თანამშრომლების მიერ, გუშინ, დღის მეორე ნახევარში გაიწმინდა და ავტომობილების მოძრაობა აღდგა.

9 მაისს, გორის მუნიციპალიტეტის სოფელ ატენში, უხვი ნალექის შედეგად, მთიდან ქვა - ღორღი ჩამოიშალა და საავტომობილო გზა ჩახერგა. გორის მერის კონსტანტინე თავზარაშვილის ხელმძღანელობით, ადგილზე ოპერატიულად დაიწყო გაწმენდითი სამუშოები და შესაბამის უწყებებთან კოორდინირებული მუშაობის შედეგად, საავტომობილო გზის გასუფთავება მალევე მოხერხდა“,- ნათქვამია ინფორმაციაში.