კაჭრეთში შარლ მიშელის დოკუმენტზე ხელმომწერი პოლიტიკური პარტიების შეხვედრა მიმდინარეობს.

ხელისუფლებისა და ოპოზიციის წარმომადგენლები საარჩევნო რეფორმის საკითხებს განიხილავენ.

უმრავლეობის წევრის შალვა პაპუაშვილის განცხადებით, შეხვედრაზე ძირითადად ისაუბრებენ საარჩევნო ადმინისტრაციის დაკომპლექტების საკითხზე და იმაზე, როგორ და რა ფორმით უნდა მოხდეს ელექტრონული ტექნოლოგიების გამოყენება ადგილობრივ არჩევნებზე.

მისივე თქმით, ოპოზიცია მსხვერპლია საკუთარი შექმნილი მითის, რომ არჩევნები გაყალბდა.

„ისინი ჯერ კიდევ არიან საკუთარივე მითების მსხვერპლი. მოქცეულნი არიან იმ წარმოდგენებში, რომელიც საკუთარ თავს შეუქმნეს არჩევნებთან დაკავშირებით. გავიდა 6 თვე და ჩვენ ვნახეთ, რომ მითი, არჩევნების გაყალების შესახებ, დაიმსხვრა“,- განაცხადა შალვა პაპუაშვილმა.