აჭარაში კორონავირუსის საწინააღმდეგო ვაქცინა ამ დროისთვის 6032 პირს აქვს ჩატარებული. აჭარის ჯანდაცვის სამინისტროს ინფორმაციით, ვაქცინაცია „ფაიზერით“ 3174, „ასტრაზენეკათი“ 1771, ხოლო „სინოფარმით“ 1087 პირი აიცრა.
უწყების განმარტებით, რეგიონში ვაქცინაციის პროცესი უწყვეტად მიმდინარეობს.
ცნობისთვის, გასული 24 საათის განმავლობაში აჭარაში კორონავირუსის 127 ახალი შემთხვევა გამოვლინდა. კრიტიკულად მძიმედაა 7 პაციენტი, რომელიც მართვით სუნთქვაზე იმყოფება.