ბათუმში, ქათამაძის ქუჩაზე და მიმდებარე ჩიხში მოსახლეობის წყალარინების ახალ ქსელზე დაერთების სამუშაოები დაიწყო. ამის შესახებ „ინტერპრესნიუსს“ „ბათუმის წყლის“ პრესამსახურიდან აცნობეს. როგორც უწყების მიერ გავრცელებულ განცხადებაშია აღნიშნული, პროექტის ფარგლებში 1900-მდე გრძ.მ-ზე ახალი ქსელი მოეწყობა.
მოძველებული წყალარინების სისტემა ადგილობრივებს ათეული წლის განმავლობაში დისკომფორტს უქმნიდა.
წყალარინების ახალი ქსელით 100-მდე აბონენტი ისაგებლებს.
აღნიშნულ სამუშაოებს, „ბათუმის წყლის“ გენერალური დირექტორი ლევან დავითაძე ადგილზე გაეცნო.
„ქათამაძის ქუჩასა და მიმდებარე ჩიხში წყალარინების ახალ ქსელზე დაერთების სამუშაოები დაიწყო. ახალი ქსელით 100-მდე აბონენტი ისარგებლებს. საკანალიზაციო სისტემა შეიცვალა მამია ვარშანიძის ჩიხში, ბაგრატიონის ქუჩაზე, ანგისისა და თამარის დასახლებაში”, - ნათქვამია ინფორმაციაში.