აჭარის მთავრობის თავმჯდომარე თორნიკე რიჟვაძე ჩინური ვაქცინა "სინოფარმით" ბათუმის საოჯახო მედიცინის ცენტრში აიცრა. თორნიკე რიჟვაძის თქმით, ვაქცინაცია მძიმე მდგომარეობიდან ერთადერთი გამოსავალია.
"დღეს ვაქცინაცია ჩავიტარე, თავს კარგად ვგრძნობ. კიდევ ერთხელ მინდა მოვუწოდო თითოეულ მოქალაქეს, რომ ვაქცინაცია ერთადერთი გამოსავალია ამ მძიმე მდგომარეობიდან. ჩვენ სწორედ ვაქცინაციის ინტენსიური განხორციელებით უნდა შევძლოთ სიცოცხლის გადარჩენა, ასევე ეკონომიკის სწრაფი აღდგენა",- განაცხადა რიჟვაძემ.