ივერი მელაშვილის ადვოკატის განცხადებით, დღეს დაკითხულმა მოწმეებმა დაადასტურეს, რომ ბრალდებულებს ქვეყნის საწინააღმდეგოდ ნაბიჯები არ გადაუდგამთ

არც ივერი მელაშვილს, არც ნატალია ილიჩოვას და არც კომისიას, ქვეყნის საწინააღმდეგოდ არც ერთი გადაწყვეტილება არ მიუღიათ, - ამის შესახებ ე.წ. დავით გარეჯის საქმეზე ბრალდებულ ივერი მელაშვილის ადვოკატმა ედუარდ მარიკაშვილმა განაცხადა.

როგორც ადვოკატი განმარტავს, დღეს დაკითხულმა მოწმეებმა დაადასტურეს, რომ ბრალდებულებს ქვეყნის საწინააღმდეგოდ ნაბიჯები არ გადაუდგამთ.

„სამი მოწმე დაიკითხა დღევანდელ პროცესზე. საქართველოს ყოფილმა ელჩმა აზერბაიჯანის რესპუბლიკაში, რომელიც კომისიის ორმხრივ შეხვედრებს ესწრებოდა, ასევე ამავე საელჩოს წარმომადგენლებმა პროცესზე დაადასტურეს, რომ იმ შეხვედრებზე, რომელებსაც ისინი ესწრებოდნენ და მონაწილეობდნენ, არ შეუმჩნევიათ, რომ ვინმეს, მათ შორის, ივერი მელაშვილს ან კომისიას ქვეყნის საწინააღმდეგო გადაწყვეტილება მიეღოთ. ამ შემთხვევაში ადამიანებმა სწორად წარმოადგინეს ფაქტობრივი გარემოებები, მათი დამოკიდებულება.

შესაბამისად, ეს არის რეალობა, როცა არც ივერი მელაშვილს, არც ნატალია ილიჩოვას და არც კომისიას ქვეყნის საწინააღმდეგოდ არც ერთი გადაწყვეტილება არ მიუღიათ. ის, რომ ივერი მელაშვილი იყო მთავარი გადაწყვეტილებების მიმღები კომისიის ფარგლებში, არც ერთ მოწმეს არ დაუდასტურებია. იყო ივერი მელაშვილის წარსულიდან გამომდინარე საუბარი, რომ მას მეტი კომპეტენცია და გამოცდილება ჰქონდა, თუმცა, კომისიის ყველა წევრს ჰქონდა საშუალება, მისი პოზიცია წარმოედგინა",- განაცხადა მარიკაშვილმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად