დევნილთა, ეკომიგრანტთა და საარსებო წყაროებით უზრუნველყოფის სააგენტოს თანამშრომლებმა საჩხერის სამედიცინო ცენტრში სისხლის უანგარო დონაციის აქციაში მიიღეს მონაწილეობა.

დევნილთა, ეკომიგრანტთა და საარსებო წყაროებით უზრუნველყოფის სააგენტოს ინფორმაციით, კლინიკებს ადამიანების სიცოცხლისა და ჯანმრთელობის შენარჩუნებისთვის ყოველდღიურად ესაჭიროებათ სხვადასხვა ჯგუფის სისხლი. საჩხერის სამედიცინო ცენტრში სისხლის ბანკი გასულ წელს გაიხსნა, მარაგების შევსების საუკეთესო გზას კი, სწორედ მოხალისეობრივი დონაცია წარმოადგენს.

როგორც სააგენტოს დირექტორმა ბესარიონ სიმონიშვილმა აღნიშნა, ​სისხლის უანგარო დონაციით სხვადასხვა მძიმე დაავადების მქონე პირებს დაეხმარებიან.

​„სისხლის უანგარო დონაციით ჩვენ, პირველ რიგში, დავეხმარებით სხვადასხვა მძიმე დაავადების მქონე პირებს. ჩვენი სააგენტოს თანამშრომლები სისტემატიურად იღებენ მსგავს აქციებში მონაწილეობას“, - განაცხადა ბესარიონ სიმონიშვილმა.