საქართველოს პარლამენტის თავმჯდომარე კახა კუჭავა პირველი ოფიციალური ვიზიტით ბრიუსელში გაემგზავრება. ვიზიტი 16-20 მაისს გაიმართება.
როგორც კახა კუჭავა აღნიშნავს, ვიზიტის ფარგლებში დაგეგმილია ევროპარლამენტის პრეზიდენტთან შეხვედრაც.
„ ჩემთვის ძალიან მნიშვნელოვანია, რომ პირველი ოფიციალური ვიზიტი თავმჯდომარის რანგში ბრიუსელში გაიმართება.
ძალიან საინტერესო შეხვედრებია დანიშნული. ჩვენთვის მნიშვნელოვანია, რომ ჩვენს დელეგაციას შეხვედრა ექნება ევროპარლამენტის პრეზიდენტთან.
დარწმუნებული ვარ, საინტერესო საუბრის შედეგებს, რომელსაც გამოვიტანთ, თქვენთვის და მოსახლეობისთვისაც ძალიან საინტერესო იქნება.
ასევე ვხვდებით სხვადასხვა პოლიტიკური ჯგუფის და ხელისუფლების წარმომადგენლებს“,-აღნიშნავს კუჭავა.