ნინო ლაცაბიძემ და ირაკლი ტაბაღუამ გამწვანების აქციაში მიიღეს მონაწილეობა

რუსთავის ცენტრალურ პარკში, პროექტ “ეკო რუსთავის” ფარგლებში, მორიგი გამწვანების აქცია გაიმართა.

რუსთავის მერიის ინფორმაციით, აქციის ფარგლებში, პარკის ტერიტორიაზე 200-მდე სხვადასხვა ჯიშის ხის: მუხის, მარადმწვანე მუხის, დიადი ბოყვის, ცაცხვის ნერგები დაირგო.

ღონისძიებაში მონაწილეობა საქართველოს პარლამენტის რუსთავისა და გარდაბნის 10 თემის მაჟორიტარმა დეპუტატმა ნინო ლაცაბიძემ, რუსთავის მერმა ირაკლი ტაბაღუამ, "კავკასიის ავტო იმპორტისა" და "რუსთავსერვის ცენტრის" თანამშრომლებმა მიიღეს.

,,ვაგრძელებთ რუსთავის გამწვანებას, ქალაქის ეკოლოგიური მდგომარეობის გაუმჯობესებას. რამდენიმე თვეა აქტიურად ვართ ჩართული ქალაქის გამწვანებაში, ამ პერიოდის განმავლობაში, მასშტაბური სამუშაოები განხორციელდა მერიისა და სხვადასხვა ბიზნესსუბიექტების მხრიდან. მე მიხარია, რომ დღესაც, სწორედ ბიზნესის ჩართულობით მოხდა ის, რომ ჩვენი ისტორიული და უნიკალური პარკის განახლებაში შევიტანეთ წვლილი. 200-მდე სხვადასხვა ჯიშის ხის ნერგი დავრგეთ, რომელიც ,,კავკასიის ავტო იმპორტმა“ შეიძინა იმისთვის, რომ ჩვენი ქალაქი კიდევ უფრო ლამაზი და მიმზიდველი გახდეს, მე მინდა მათ დიდი მადლობა გადავუხადო მათ ამ სოციალური პასუხისმგებლობის გამოჩენისთვის“, - განაცხადა ნინო ლაცაბიძემ.

რუსთავის მერის ირაკლი ტაბაღუას განცხადებით, ქალაქს უკვე აქვს ატმოსფერული ჰაერის მართვის გეგმა, რომლის განხორციელება აქტიურად მიმდინარეობს, იმისათვის, რომ ეკოლოგიური მდგომარეობა მნიშვნელოვნად გაუმჯობესდეს.

"ატმოსფერული ჰაერის მართვის გეგმა, რომელიც რუსთავს აქვს, ამ გეგმას სჭირდება აღსრულება. ამ პროცესში ჩართულია ყველა სეგმენტი როგორც მუნიციპალიტეტი, ასევე სამოქალაქო და კერძო სექტორი, რაც თავისთავად ამ გეგმის აღსრულებას მაქსიმალურად უწყობს ხელს. დღეს ვიმყოფებით, რუსთავის ერთ-ერთ უნიკალურ ადგილას - ცენტრალურ პარკში, რომელიც ბუნებრივად არის გაშენებული, რა თქმა უნდა სჭირდება განახლება და დღეს კიდევ ერთი გამწვანების აქცია ჩავატარეთ ბიზნესის ხელშეწყობით“, - განაცხადა ირაკლი ტაბაღუამ.

რუსთავის მაჟორიტარმა დეპუტატმა და მერმა, "რუსთავსერვის ცენტრის“ ხელმძღვანელთან ერთად, ეკოლოგიაზე ზრუნვისა და ქალაქის განვითარებაში შეტანილი წვლილისთვის, "კავკასიის ავტო იმპორტის“ წარმომადგენელსა და ცენტრალური პარკის თანამშრომლებს, მადლობის სიგელები გადასცეს

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა