ბინის გასაქირავებლად ყველაზე მოთხოვნადი უბნები თბილისში და ახალი პროექტების ფასები

პანდემიამ ბიზნესების უმეტესობა მნიშვნელოვნად დააზარალა და მათ შორის არის უძრავი ქონების სექტორი. ბევრი ადამიანი ბინას ყიდულობდა იმისათვის, რომ სეზონუურად გაექირავებინა უცხოელ ტურისტებზე, ასევე, სტუდენტებზე სასწავლო წლის დაწყებასთან ერთად და ა.შ, თუმცა დღეს, აღნიშნული ვითარება შეიცვალა.

საქართველოს ეროვნული ბანკის მონაცემებით, 21 მარტის მდგომარეობით ქირავნობის სარგებელი თბილისში თებერვალთან შედარებით შემცირდა და 6.6% შეადგინა.

COVID-19-ის პანდემიის გამო თბილისში ბინების გაქირავება გართულდა, ხოლო მოსახლეობის ნეგატიური მოლოდინები და არასტაბილურობის განცდა უძრავ ქონების გაყიდვებზე აისახა. სექტორის მხარდასაჭერად 2020 წლის ბოლომდე ახალაშენებული ბინის შეძენის შემთხვევაში იპოთეკური სესხის 4%-ს სახელმწიფო ასუბსიდირებდა.

ვაქცინაციის პროცესის დაწყებასთან ერთად, გაჩნდა მოლოდინი, რომ ტურისტული სექტორი აღდგენას დაიწყებს, რასაც უძრავ ქონებაზე მოთხოვნის ზრდა მოჰყვება.

უძრავი ქონების პლატფორმა SS.ge-ის ხელმძღვანელის ნიკოლოზ ჯაფარიძის შეფასებით, უძრავი ქონების ქირის ინდექსმა შემცირება 2020 წლის დასაწყისიდან დაიწყო.

„უძრავი ქონების ქირის ინდექსი აშშ დოლარში 18%-ით შემცირდა 2020 წლის დასაწყისიდან, მაშინ როცა ფასების ინდექსი აშშ დოლარში შედარებით სტაბილურია და წლის დასაწყისიდან მხოლოდ 6%-ით შემცირდა. ქირების შემცირება შეიძლება აიხსნას ტურიზმის შეჩერებითა და სტუდენტების მხრიდან შემცირებული მოთხოვნით, რაც უნივერსიტეტებში ონლაინ სწავლების შედეგია“, - განმარტა მან.

საინტერესოა, ახლანდელი მდგომარეობით, რომელი უბანია ყველაზე მოთხოვნადი ბინის გაქირავების კუთხით და როგორია ახლანდელი ფასები?

SS.ge-ს წარმომადგენელი განგვიმარტავს, რომ დღეის მონაცემებით, გასაქირავებლად თბილისის მოთხოვნადი უბნებია ჩუღურეთი, ავლაბარი, მთაწმინდა. შესაბამისად, მოთხოვნად უფრო მცირე ფართობისა და სტუდიოს ტიპის ბინებზეა.

სამივე უბანში ხორციელდება სამშენებლო პროექტები, რომელთა ფასებიც ახალაშენებული და მშენებარე მხოლოდ უძრავი ქონების პლატფორმა House.ge-ის თანახმად, ასეთია:

  • ჩუღურეთი - კვ.მ-ის ფასი იწყება 2 750 ლარიდან;
  • ავლაბარი - კვ.მ-ის ფასი იწყება 2 710 ლარიდან;
  • მთაწმინდა - კვ.მ-ის ფასი იწყება 3540 ლარიდან.

აღსანიშნავია, რომ უძრავი ქონების ფასი იზრდება მდგომარეობისა და მდებარეობის მიხედვით. House.ge-ზე არსებული ტენდენციის მიხედვით, უძრავ ქონებაზე მოთხოვნა ნელ-ნელა იზრდება, რის პარალელურადაც ვებგვერდზე ახალი პროექტები ემატება.

მშენებარე და ახალაშენებული უძრავი ქონების შეძენის მსურველთათვის House.ge მოქნილი და მოსახერხებელი პლატფორმაა, ვინაიდან ვებგვერდზე განთავსებულია მხოლოდ ახალი პროექტები სამშენებლო კომპანიებისა და უბნების მიხედვით, რაც ძიების პროცესს ამარტივებს.

ამასთან, ერთ ვებგვერდზე ყველა პროექტის ნახვის შესაძლებლობა ოპტიმალური შეთავაზების მოძებნისა და არჩევანის მარტივად გაკეთების საშუალებას იძლევა.

(R)

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს