საქართველოს პარლამენტში რუსთავის მაჟორიტარი დეპუტატი, ნინო ლაცაბიძე გარდაბნის მუნიციპალიტეტის, სოფელ ქვემო თელეთში საბავშვო ბაგა-ბაღის გახსნას დაესწრო. ამის შესახებ ინფორმაციას რუსთავის მაჟორიტარი დეპუტატის, ნინო ლაცაბიძის სამაჟორიტარო ბიურო ავრცელებს.

მათივე ცნობით, სოფელ ქვემო თელეთში სააღმზრდელო დაწესებულება 2 ჯგუფზე და 60 ბავშვზეა გათვლილი.

„გარდაბნის მუნიციპალიტეტის, სოფელ ქვემო თელეთში, გარდაბნის მერთან რამაზ ბუდაღაშვილთან, ქვემო ქართლის გუბერნატორთან შოთა რეხვიაშვილთან და რეგიონული განვითარებისა და ინფრასტრუქტურის მინისტრის პირველ მოადგილესთან, ილია ბეგიაშვილთან ერთად ახალი, ადაპტირებული საჯარო საბავშვო ბაგა-ბაღი გავხსენით. აღნიშნული ადგილობრივი ბიუჯეტიდან 721 000 ლარით დაფინანსდა”,- აღნიშნულია ინფორმაციაში.