ზუგდიდში, „ქართული ოცნების“ ლიდერებისა და მხარდამჭერების შეხვედრაზე, რამდენიმე მოქალაქე არ დაუშვეს.

მათი თქმით, ისინი მმართველი პარტიის მხარდამჭერები არიან და "ქართული ოცნების" ლიდერებთან კითხვები ჰქონდათ.

"ჩვენ დღეს მოვედით, რომ შევხვედროდით ირაკლი ღარიბაშვილს, კალაძეს და მთავრობას, ვინც დღეს აქ ჩამოვიდა. გვეთქვა, რომ ჩვენ თანამებრძოლები ვართ, 2012 წელს, როცა კრიტიკული მდგომარეობა იყო, როცა რისკი იყო ამათთან დგომა და იცით თქვენ რა ძლიერ ძალას ვებრძოდით, ვინც ვიბრძოდით კეთილი გულით, რისკის ფასად, დღეს მიტოვებულები ვართ. არაფრის სათხოვნელად არ მოვსულვარ, მარტო კითხვა მაქვს. 2012 წლის თანამებრძოლები არცერთი არ არის აქ, ყველა არიან გადმოპორტირებულები. მე არავის არ ვერჩი, მაგრამ ცოტა სხვანაირად უნდა მოიქცეს ღარიბაშვილი, კალაძეც და სხვა", - განაცხადა ლალი ანთიამ.