მარნეულის მუნიციპალიტეტში ისტორიის კონკურს „დიდგორელის“ გამარჯვებული გამოვლინდა

კომპანია „არემჯის“ მხარდაჭერით, მესამე წელია ქვემო ქართლში საგანმანათლებლო პროექტი „დიდგორელი“ იმართება. თეთრიწყაროს, ბოლნისისა და დმანისის შემდეგ, ახლა უკვე მარნეულის მუნიციპალიტეტის სკოლის მოსწავლეებმა გამოსცადეს საკუთარი ცოდნა საქართველოს ისტორიაში,- ამის შესახებ „ინტერპრესნიუსს“ „არემჯიდან“ აცნობეს.

კომპანიის განცხადებით, კონკურსში 528 მოსწავლემ მიიღო მონაწილეობა. ფინალურ ეტაპზე გადასულ 19 უფროსკლასელს და მათ პედაგოგებს, მარნეულის ბიბლიოთეკის ეზოში კონკურსის ორგანიზატორებმა სამახსოვრო საჩუქრები და სიგელები გადასცეს. პროექტის გამარჯვებული, მარნეულის მე-5 საჯარო სკოლის 11 კლასის მოსწავლე ლუკა ანდიაშვილი გახდა, რომელსაც „არემჯისგან“ 6 თვიანი სტიპენდია დაენიშნება. ისტორიის კონკურსს მარნეულის შემდეგ გარდაბნის მუნიციპალიტეტი უმასპინძლებს.

როგორც „არემჯის“ საზოგადოებასთან ურთიერთობის სამსახურის მენეჯერმა ნატალი ნოზაძემ განაცხადა, „არემჯი“ „დიდგორელის“ გენერალური სპონსორია პროექტის დაარსების დღიდან. მარნეული რიგით მე-4 მუნიციპალიტეტია, რომელშიც ისტორიის კონკურსი იმართება და ის ყოველ ჯერზე უფრო და უფრო მეტ მონაწილეს იზიდავს.

„ჩვენი კომპანია კორპორაციული სოციალური პასუხისმგებლობის ფარგლებში კვლავ გააგრძელებს აღნიშნული პროექტის და ყველა იმ ახალგაზრდის მხარდაჭერას, რომლისთვისაც სწავლა, განვითარება და წინსვლა პრიორიტეტია“, - განაცხადა ნოზაძემ.

როგორც, „დიდგორელის“ გამარჯვებულმა მარნეულში, ლუკა ანდიაშვილმა განაცხადა, კონკურსის მიზანია ახალგაზრდებში გააჩინოს და გააღვივოს ინტერესი ისტორიის მიმართ და ეს მიზანი ნამდვილად მიღწეულია.

„ეს არის ჩემთვის ძალიან დიდი მოტივაცია. ძალიან დიდი სტიმული, იმისათვის რომ გავაგრძელო შემდგომში საქართველოს ისტორიის უფრო ღრმად შესწავლა. ვფიქრომ, რომ ამ კონკურსის მიზანია ახალგაზრდებში გააჩინოს და გააღვივოს ინტერესი ისტორიის მიმართ და ეს მიზანი ნამდვილად მიღწეულია. არ მახსოვს ბოლოს ასეთი აქტიური პროექტი, როგორიც „დიდგორელია“ , მასში თითქმის ყველა ჩემი თანატოლი და მეგობარი ჩაერთო“, - ლუკა ანდიაშვილი, „დიდგორელის“ გამარჯვებული მარნეულში.

ამ დროისთვის ისტორიის კონკურს „დიდგორელში“ მონაწილე მოსწავლეთა საერთო რაოდენობამ 1500 მიაღწია.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე