არ მაქვს მოლოდინი, რომ ხელისუფლებას ესმის საკუთარი მოქალაქეების, - ამის შესახებ „რესპუბლიკური პარტიის" ლიდერმა, ხათუნა სამნიძემ „ნამახვანჰესთან" დაკავშირებით ჟურნალისტებს განუცხადა.

როგორც მან აღნიშნა, ხელისუფლებამ მოქალაქეების პროტესტზე რეაგირება უნდა მოახდინოს და მათ კითხვებს უპასუხოს.

„რაც არ უნდა პრობლებმა იყოს ქვეყანაში, ხელისუფლების პასუხისმგებლობაა შეკითხვებს პასუხი გასცეს. ქვეყანაში, სადაც უამრავი ადამიანი აპროტესტებს კონკრეტულ საკითხს, ამაზე პასუხი უნდა იყოს, თუმცა დღემდე პასუხები არ არსებობს. ბუნებრივია, ამას მოჰყვება პროტესტი, რომელსაც ვუყურებთ, აქ სხვადასსვა ტიპის განცხადებები ისმის, მაგრამ მთავარი პრობლემა რომელიც დგას, აუცილებლად გადასაჭრელია, ეს არის ხელისუფლების მხრიდან ადეკვატური რეაგირება და შეკითხვებზე პასუხის გაცემა",-განაცხადა სამნიძემ.

ცნობისთვის, „ნამახვანჰესის" მოწინააღმდეგეებმა გუშინ თბილისში მასშტაბური აქცია გამართეს და ხელისუფლებას მოთხოვნების შესრულებისთვის ვადა დღეს, 12:00 საათამდე მისცეს. მათ კარვები გაშალეს და პროტესტის გაგრძელებას გეგმავენ.