ხვალ, „ევროპული საქართველო“ მეტროსადგურ „რუსთაველთან“ დამოუკიდებლობის დღისადმი მიძღვნილ ღონისძიებას გამართავს.
პარტიის ერთ-ერთი ლიდერის გიორგი კანდელაკის განცხადებით, ღონისძიებაზე წარმოდგენილი იქნება სხვადასხვა ეპიზოდი, ცნობილი და ნაკლებად ცნობილი ფაქტები პირველი რესპუბლიკის ცხოვრებიდან.
როგორც კანდელაკი აღნიშნავს, გამვლელებს შესაძლებლობა ექნებათ სიმბოლურად გადაიღონ სურათი თავისუფლების ქანდაკების მულიაჟთან და მიიღონ საჩუქრად მარო მაყაშვილისა და ექვთიმე თაყაიშვილის გამოსახულებიანი მაისურები.
ღონისძიება 10:00-დან 13:00 საათამდე გაგრძელდება.