არჩილ თალაკვაძე - დარწმუნებული ვარ, მომდევნო არჩევნები იქნება კიდევ უფრო მეტად კონკურენტული, ორიენტირებული პროგრამებზე და ლიდერებზე

დარწმუნებული ვარ, მომდევნო არჩევნები თვითმმარველობის არჩევის პროცესში იქნება კიდევ უფრო მეტად კონკურენტული, ორიენტირებული პროგრამებზე და ლიდერებზე, - ამის შესახებ პარლამენტის ვიცე-სპიკერმა არჩილ თალაკვაძემ ჟურნალისტებთან ადგილობრივი თვითმმართველობის არჩევნებზე საუბრისას განაცხადა.

მისივე თქმით, ამ არჩევნებზე „ქართული ოცნება” განახლებული გუნდთან ერთად, განახლებული პროგრამებით წარსდგება და მოქალაქეებს ეტყვის თუ რის გაკეთებას აპირებს მომდევნო წლების განმავლობაში.

„არჩევნები საკანონმდებლო რეგულაციების და ეფექტურად მომუშავე ინსტიტუტების გარდა, მნიშვნელოვანია, რომ ეფუძნებოდეს ნდობას და ურთიერთპატივისცემას. მნიშვნელოვანია, რომ ყველამ პატივი სცეს არჩევნების შედეგებს, ამისათვის ჩვენ ვდგავთ ნაბიჯებს, რომ როგორც საზოგადოებას, ასევე პოლიტიკურ პარტიებსაც ჰქონდეთ მაღალი ნდობა პროცესის მიმართ, როდესაც ისინი ხმა აძლევენ მათთვის სასურველ კანდიდატებს. დარწმუნებული ვარ, მომდევნო არჩევნები თვითმმარველობის არჩევის პროცესში იქნება კიდევ უფრო მეტად კონკურენტული, ორიენტირებული პროგრამებზე და ლიდერებზე, რომელთაც შეუძლიათ შეასრულონ ის პირობები რომელსაც საქართველოს მომავლისთვის პირდება. ჩვენ, ,,ქართული ოცნება” გამოვალთ განახლებული გუნდით, განახლებული პროგრამებით და თითოეულ ქალაქსა და სოფელში ჩვენს მოქალაქეებს ვეტყვით თუ რის გაკეთებას ვაპირებთ მომდევნო წლების განმავლობაში”, - აღნიშნა არჩილ თალაკვაძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო